Ciidamada Somaliland iyo Puntland Oo Madaafiic isku-waydaarsanaya Deegaanka TUKARAQ
Tukaraq(OWN)- Wararka ka imanaya deegaanka Tukaraq ee Gobolka sool ayaa waxa ay sheegayaan in deegaankaas laga maqlay dhawaaqa Madaafiicda waaweyn oo ay isku-waydaarsanayaan Ciidamada Somaliland iyo Puntland.
Labada dhinac ayaa weli isku-horfadhiya deegaanka Tukaraq, waxaana saacadihii la soo dhaafay deegaanka ay labada dhinac ay ku sii daabulayeen ciidamo ad u farabadan taas oo abuurtay xiisad Cusub.
Dadka ku hadhay deegaanka Tukaraq ayaa waxa ay sheegeen in Barqanimadii maanta mar qudha ay maqleen dhawaaqa Madaafiicda oo ay iksu-ridayeen Ciidamada labada Ciidamada Somaliland iyo Puntland, ilsamarkaana ay cabsi dareemayaan.
Wararku waxay intaas ku darayaan shalay gelinkii dambe ayaa waxaa deegaanka Tukaraq gaadhay Xubno ka socda Golaha Wasiirada Maamulkaas kuwaas oo ku hanjabay in aanuu dagaalka kala dhaxeeya Somaliland joogsan doonin ilaa Ciidamada Somaliland ay ka baxaan Gobolka Sool.
Khasaaraha ka dhashay madaafiicda ay tukaraq isku-weeydaarsadeen Maanta Ciidamada Somaliland iyo Puntland wali lama cadeyn,balse wararka qaar ayaa waxa ay sheegayaan in uu jiro dhaawacyo soo gaadhay dad rayid ah.
Madaafiicda ay Maanta deegaanka Tukaraq isku-weeydaarsadeen Ciidamada Somaliland iyo Puntland ayaa imanaya xilli la hadal hayo in madaxweynaha Somaliland Muuse Biixi Cabdi uu deegaanka Tukaraq safar ku tegi doono.
Oodweynenews Newsdesk
