Madaxweyne Muuse Biixi Oo Kulan La Qaatay Ergayga Qaramada Midoobay U Qaabilsan Somaliland Iyo Soomaaliya

Madaxweynaha Jamhuuriyadda Somaliland, Mudane Muuse Biixi Cabdi, ayaa maanta kulan la yeeshay ergayga gaarka ah ee xog-hayaha guud ee qaramada midoobay u qaabilsan dalalka Somaliland iyo Soomaaliya Mr Michael Keating.

Kulankan uu madaxweyne Muuse Biixi la qaatay danjire Michael Keating, ayaa waxa ku wehelinayey, madaxweyne-ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici), guddoomiyeyaasha Guurtida iyo Wakiillada, Mudane Saleebaan Maxamuud Aadan iyo Baashe Maxamed Faarax iyo wasiirka arrimaha dibadda, Mudane Sacad Cali Shire, waxaana lagaga wada-hadlay arrimo door ah oo u ubucdoodu ahayd sidii loo xoojin lahaa wada-shaqaynta ay Jamhuuriyadda Somaliland la leedahay qaramada midoobay.

Madaxweynaha Jamhuuriyadda Somaliland, Mudane Muuse Biixi Cabdi, ayaa ergayga gaarka ah ee xoghayaha jimciyadda quruumaha kaย ย dhaxaysa u qaabilsan Somaliland iyo Soomaaliya, Mr. Keating uga warramay horumarkaย ย ay Somaliland ku tallaabsatay iyo sida ay diyaar ugu tahay inay beesha caalamka kala shaqayso wax kasta oo maslaxadda, danta gobolka iyo guud ahaanba midda caalamku jirto, waxana uu caddeeyey in xukuumadda uu hoggaamiyo ay ka goโ€™an tahay sidii doorashooyinka goleyaasha wakiillada iyo deegaanka ee sanadka soo socda qorshaysani ugu qabsoomi lahaayeen waqtigii loo asteeyey.

Ergayga gaarka ah ee xog-hayaha qaramada midoobay u qaabilsan Somaliland iyo Soomaaliya, Mr. Keating, ayaa dhinaciisa madaxweynaha uga mahadnaqay dedaalka dhinacyada kala duwan lehย ย ee uu wado iyo sida kalsoonida leh ee uu ula shaqaynayo beesha caalamka, waxaana uu tilmaamay inay qaramada midoobay ka goโ€™an tahay inay sii wadaan wada-shaqaynta dhaw ee ay la leedahay Jamhuuriyadda Somaliland.

Markii kulankaasi dhammaaday waxa faahfaahin kooban warbaahinta siiyey ka wasiirka arrimaha dibadda Somaliland Dr. Sacad Cali Shire,ย ย waxaana hadalladiisii kamid ahaa,โ€œMadaxweynaha iyo Ergayga gaarka ah ee xoghayaha jimciyadda quruumaha ka dhaxaysaa waxa ay ka wada hadleen waxyaabo badan oo la xidhiidha xagga amuuraha Baniโ€™aadamnimada, xaaladda roobka sanadkan, arrimo la xidhiidha nabadgelyada, arrimo kale oo la xidhiidha doorashooyinka sanadka soo socda iyo sidii aynu guud ahaan inaga iyo jimciyadda quruumaha ka dhaxaysaa aynu u wada shaqayn lahayn.โ€

Kulankan dhexmaray madaxweynaha Jamhuuriyadda Somaliland, Mudane Muuse Biixi Cabdi iyo ergayga gaarka ah ee xoghayaha guud ee qaramada midoobay u qaabilsan dalalka Somaliland iyo Soomaaliya, ayaa noqonaya kii labaad ee ay yeeshaan, muddada shan bilood ah ee ay xukuumaddani jirtey, waxaana uu ahaa kulan midho dhal ah oo jawi wanaagsan kusoo idlaaday.

 

—ย 

Image may contain: 5 people, people smiling, people sitting, table and indoor

ย  ย  ย  ย  ย  ย 
ย 
ย 
ย 
ย  ย  ย  ย  ย  ย  ย  ย  ย  ย ย Naasir Yuusuf Daahir
Director of the Presidential Media Department
Hargeisa – Republic of Somaliland

home

Related Articles

Back to top button

Adblock Detected

Please consider supporting us by disabling your ad blocker