Wabiga Shabeelle oo ku Fatahay Deegaano Horleh , Sababayna Barakac Cusub

Jowhar (OWN) – Wararka ka imaanaya gobolka Shabeelaha Dhexe ayaa sheegaya in saacadihii la soo dhaafay Wabiga Shabelle uu fatahaad ka sameeyey Agagaarka magaalada Jowhar ee caaamimada maamul goboleedka HirShabelle.

 

 

Wabiga ayaa ku fatahay tuulooyin dhowra oo hoostaga magaaladaasi, iyadoo ay ka barakaceen qoysaskii Deganaa halkaasi.

 

 

Tuulooyinka uu wabigu ku fatahay ayaa  ka mid ah  Muriyaale, Lamawaab, Buulo Bishaar, Gaafaay, Timire, Magadley, Raqayle, Dayma Same,  Raqayloow Buurdheere, Xaanshooley, Geedo Barkaan, Buur Fuule iyo Jowhar Soomaali.

 

 

Sidoo kale wararka ayaa intaasi ku daraya in laga cabsi qabo in wabiga Shabelle uu ku sii fataho deegaano kale oo ka tirsan gobolka Shabeelaha Dhexe oo hor leh.

 

 

Sawirro laga soo qaaday deegaanada uu saameeyey wabiga Shabelle ayaa muujinaya in fatahaado ay tahay mid xoogan, islamarkaana ay biyuhu ku socdaan, si xawli ah.

 

Dhowaan HirShabelle ayaa ugu baaqday dowladda federaalka iyo hay’adaha caalamiga ah inay ka gacan siiyaan ka hortagga fahaada wabiga Shabelle ka sameeyey Jowhar.

 

home

Related Articles

Back to top button

Adblock Detected

Please consider supporting us by disabling your ad blocker