Ma Saami qaybsiba mise waa Blackmail iyo baad
Hordhac
Waxaan hoos ku qorani waa natiijadi aan ka soo saaray siday beelaha reer Somaliland u kala badanyihiin oo boqolkiiba intaas ah ama Percentageka beel waliba ka tahay tirada dadka markaa ku noola Somaliland, waana 4 ka mid ah macluumaad laga heli karo tirada beelaha iyo waxaayabo kale ,
==Dia Paying Groups
Tiro koob lagu sameeye raga ama labka bixiye magaha beeluhu kala qaataan shaqadeeda waxaa laha xafiisyada Dc yada iyo cuqasha beelaha
Beesha dhexe 65.65%
Beelaha bariga iyo Galbeedka 34.37%
===Tirada ka qayb gashay doorashadii bishii Labaad Feb,1960
Beesha Dhexe 76.99%
Beelaha bariga iyo galbeedka 23%
==Tirada cod bixiyayaasha Doorashadii madxtooyada ee dhacday 2010 kii
Beesha Dhex 68%
Beelaha Bariga iyo Galbeedka 32%
==Tirakoob UNtu ka samaysay wadankii laysku odhan jiray Jamhuuriyada Somali 2014kii
Beesha dhexe 64%
Beelaha bariga iyo Galbeedka 36%
Mar alaale iyo markii Xisbiyadu ka heshiiyeen wixii dhex yaalay,ayaa markiiba lala soo baxay erayga Saami qaybsi oo aan anigu u arko kariirad kale oo dadka qaar rabaan in ay u dhigaan doorashada laga heshiiye qabashadeeda.
Asalkaba hadad maqasho Saami qaybsi waa cadaalad in wax lagu qaybsado.badanaba sida dheefta loo qaybsado ayaa dhibtana loo qaybsada. Magta hadaynu eegno inta ugu badan waxaa bixiya reerka ugu rag badan. Sidaa darted ayey wixii dheef ahna ka badsanayaan. Laakin qolyahan sida ay doonayaan waa sad bursi qofba siduu ku helayo ku raadsada,Nasiib daro Somaliland waxaa jira shakhsiyaad ama beelo ( Blackmail ) waxa ku raadsada oo micnaheedu yahay HADAAN SIDII LA II YEELIN ,Doorasho dhicimayso , Ictiraaf helimayno, nabadi jirimayso iyo wax ciil kaa dilo.
Waxaan yar sharxi doona siday waxay doonayaan in ay Sad bursi ku noqdeen, iyo in ay dulmiyaan beelo kale.aniga doodaydu waxay ku salaysan tahay sida reeruhu u kala badan yihiin in ay kuraasta ku kala badsadaan ,waanay dhici karta in aanay dadka qaar ku qancin tirada doorashooyin hore oo illa lixdankii ina soo maray oo qaarkood isdiiwaan gelin ahaayeen, oo ay ku qanceen natiijadii ka soo baxday ,laakin taa waxaa lagaga gudbi kara tirkoob rasmi ah oo cid walba raali ka tahay.
Inta taa ka horaysa aniga waxay illa tahay in wixii MACLUUMAAD ah ee aynu helaynayo soo ururino darisno markaana ka gaadho xal ku meel kaadha ah( Inkasta oo aan anniga shakhsiyan shaki igaga jirin sida loo kala badanyaha) macluumadka aynu haynu aan midmid u soo qaadno.
Macluumadka oo seddex u qaybsan
— Ta hore waa habka aye Somalidu magta u bixin jirtay oo lagu ogaaday siday u kalabeel walba intay tahay iyo sida loo kala badanyahay
— ta labaad waa doorashooyinka wadanka ka qabsoomay xiligii maxmiyada iyo wixii ka dambeeye arinta doorashooyinkii dhacay intay Somaliland la soo noqotay dawladnimadeeda beelaha daga galbeedka tirada dad ee Doorashada uga qayb galay diiwaan gelin iyo bilaa diiwaan gelin hadal kama keeni karaan.si buuxda ayey uga qayb galeen xataa dadba Itoobiya iyo Jabuuti laga soo daad gureeye
—— Ta seddexaad waa Tira koob ka dhacay wadankii laysku odhan jiray Jamhuuriyada Somali a. ma Somali Republic taas oo aan beeluhu muran ka keeni Karin
Qolyaha Sad bursiga doonaya murankooda waxay ku saleeyaan , in Gobolada ay degaan sida Awdal beesha Isaaq cidi ka degenayn , Soolna fara ku tiris ku yihiin, waxa kale oo ay murankooda ku xoojinayaan ,in ay Gobolka Maroodi Jeex 30% ayey beelo aan Isaaq ahayn degenyihiin , sidaa si leegna Togdheer
Markaa tirooyinka beelaha illa xiligii Isticmaarka ayaa percentage ka beel walba ii soo baxady ku dhuftay 82 Kursi ee manta si aan ogaado bari ,dhexe iyo Galbeed inta ku soo Hagaagi lahayd
A}Dia paying Group
Tiro Ku koobnayd raga,oo ah illa imika kuwa lagu xisaabtamo ee Magta bixiye,intii ingriisku Somaliland ilaalinaaye.Xafiisyada DC waxaa shaqadooda ka mid ah ururinta magaha ,sidaa dartee wuxuu caaqil waliba keeni jiray inta lab ee reerkiisa magta bixisa,sidaa wxaa lagu ogaaday tirade (BADH ama IN ) ka mid ah bulshadii Maxmiyada ku noolayd, tiradani kuma salaysna gobolo iyo degmooyin, bal waxaynu eegi doona tirada bari ,badhtamaha iyo Galbeed ee rag ah.
Beesha Dhexe (Isaaq) tirada labka 420,000 nin
Beelaha bariga iyo galbedka{Harti,Samaroon Gadabuursi) 220,000 nin
isugayn 640,000 nin
Waa maxay PERCENTAGEKA ay ka kala heli lahaayeen 82 kursi
Beesha dhex 65.65% 54 kurs
Beelaha Bari iyo Galbeed 34.37% 28 kursi
—————————————————————————————————————————————-B)Doorashadii British Somaliland ka dhacday 17/2/1960
Party Number of Votes % of Votes Number of Seats (33)
Somali National League (SNL) 42,395 52.10% 20 seats
United Somali Party (USP) 13,350 16.41% 12 seats
National United Front (NUF) 20,249 24.89% 1 seat
Somali Youth League (SYL) 4,626 5.69% 0
Others 746 0.92
Xisbiyada SNL iyo NUF beesha dhex ayaa taageeri jirtay waxay heleen 52.1% + 24.89% =76.99%
Xisbiga USP waxaa taageeri jiray beelaha darfyada waxay heleen 16.41%
Xisbiga SYL wuxuu helay 5.69%
Hadii aan kuraasta maanta oo ah 82 kursi ku qaybiyo PERCENTAGE ka berigaas
Waxay manta heli lahaayeen.
1.Beesha dhex( Isaaq) 76.9/100 x 82 = 63 kursi
2. Beelaha bari iyo Galbeed ( Harti, Samaroon iyo Ciise ) 16.4/100 x 82 = 14 kursi
3. SYL 5.69/100 x 82 = 5 kursi
Fiiro Gaar ah . Xisbiga NUF oo 20,000 cod helay hal kursi ayuu helay
Xisbiga USP oo 13,000 cod helay 12 kursi ayuu helay
Sidee 20,000 qof ayaa ku waaye cid matesha.
———————————————————————————————————————-
C ) Doorashadii dhacday 26 June,2010 ee Riyaale iyo Siiraanyo ku tartamayeen
Tirada cod bixiyayaasha gobolada.
Awdal 176,916 16.5%
Sool 98,313 9.1%
M/Jeex 361,499 33.8%
Saaxil 43,090 4 %
Togdgeer 243,229 22.7%
Sanaag 146,369 13.7%
Total Total 1,069,326
Tirada maalinta doorashada codaysay Beesha dhexe waxay ka noqonaya 68%
Sidaana beesha dhexe waxay heli lahayd 68% x 82 = 56 kursi
Beelaha darfyaduna waxay noqdeen 32%
Si0daana beelaha darafyadu waxay helilahaayaan 32% x 82 = 26 kursi
———————————————————————————————————————-
D)Tirakoobi UNta ee 2014 kii laga sameeye wadankii laysku odhan jiray Jamhuuriyada Somali.
Natiijada tirakoobkani waa ka qolyaha sad bursiga doonaya ee ay marin habaabisay (Awdal Monitor Group) si uu u badiyo beelaha bariga iyo galbeedka oo uu beesha dhexe u yareeyo wuxuu sameeye JADWAL jeebkiisa ah,wuxuu qoraya Awdal Isaaq 0%. Waqooyo Galbeed Tirada Isaaq 75%, Togdheer 70%, Sool 10%,Sanaag 45%Sidaa dareet wuxuu naftiisa iyo ummada kale gaadhay in Isaaqu Somaliland ka yahay 40%, Non Isaaq na yahay 60%
Anigu Awdal oo Samroon,Ciise iyo Isaaqba dagana, percentage isaaq iyo inta Samaroon Waqoyi Galbeed ( District Gabiley)ka dagta ayaan ISU TUURAY.0
Togdheer Wuxuu ka dhigay Isaaqa 70% isaga 30% oo uu jaray Boohoodle
Sool Isaaqa Wuxuu ka siiye 10% oo u jeedo tirada Caynaba degta .laakin aanigu Boohoodle iyo Caynaba waan isu tuuray, bicdama tira isu dhow ayey yihiin Boohoodle iyo Caynaba
Sanaag wxbadan muu farfarayn,sidaa darted ayaan sidan u xisaabiye
Awdal 673,000 19% 15 kursi
Waqooyi Galbeed 1,242,000 35.4% 29 kursi
Togdheer 721,000 20.5% 18 kursi
Sool 327,000 9.3% 8 kursi
Sanaag 544,000 15.5% 13 kursi
ISUGAYN 3,507,000
Kuraasta beesha dhexe Waqooyi Galbeed 29 + Togdheer 18 + 1/2 of Sanaag = 53 kursi, 64%
Kuraasta beelaha bari iyo Galbeed 29 Kursi, 36%
Tirada cododka Gobolada doorashadii Madaxtooyada ee 2017
Awdal 102,000 11 kursi
M/Jeex 250,000 29 kursi
Sanaag 80,000 10 kursi
Saaxil 60,000 7 kursi
Sool 65,000 8 Kursi
Togdheer 147,000 17 kursi
Total 704,000
Beesha dhex waxay tiradaa ku helilahayd 58 out of 82
Beelaha darafyaduna waxay helilahaayeen 26 out of 82 seats.
Dhibaatooyinka ugu sahlan ee waxay ku sheegayaan sami qaybsigu keenaya waa in aan isku taagayn beelaha waa weyn
Tusaale ahaan hadii ay dhaci lahayd I 82 xubnood 41 la siiyo beelaha bariga iyo Galbeedka
41 ka soo hadhayna la siiyo 8 beelood ee ilma sheikh Isxaqq , waxaa dhacaysa 8 ku doodaan Saami qaybsi kuna doodaan in beel weliba 5 Kursi hesho 5 x 8 = 40 kursi ,
Beelaha kale ee Bari iyo galbrrdna muranka caynkaasi ihii wuu ka bilaabmaya
Samroon Vs Ciise
Dhulbaahante Vs warsengeli
Hadal iyo dhamaantii waxaan soo jeedin laha
Kow in lagudaadaalo in doorashada waqtigeedi la qabto oo aan loo joojin kuwa saami qaybsiga ka dhiganaaya sabab ay doorasho wadanka ka dhacdo ku joojiya.way ka dhacdaa caalamka in qolo gobo lama xisbi qaadaco doorasho oo aan loo joojin
–Ta labaad in is diiwaan gelin la sameeyo taas oo muddo aan badnay dib u dhigi karta doorashada
== Ta seddexaad in gobolada beesha dhexe degto dib loo eego gobol walaba inta xildhibaan ee ka soo bixi karta. Laysuna dheeli tiro
== Ta Afraad in xildhibaanku ku su baxo wadanka oo dhan tiro layla meel dhigo oo aan ka yarayn 6000 ( lix kun ) oo cod.
Maxamad Axmad Xaaji Cali
khayre4@hotmail.com
Hargeysa