“Ciyaaraha: Xulka England oo marki ugu horreeysay tan iyo sannadki 1990-ki gaadhay semi-finalka Koobka Aduunka

 Ciyaaraha: (OWN) Xulka England ayaa intii ay Garoonka ku jireen muujiyey ciyaar wanaag  Waxaanay Xaqiijiyeeen inay si rasmi ugu gudbeen semi-finalka Koobka Aduunka kadib marki ay galabta 2-0 kaga badiyeen Sweden.

Dele Alli iyo saaxibadiis oo u dabaaldagaya goolki uu ka dhaliyay Sweden

Labada gool waxaa Ingiriiska madaxa ugu dhaliyay ciyaartooyda kala ah Harry Maguire iyo Dele Alli kuwaasoo ka farxiyay taageerayaasha England gaar ahaan kuwi ku jiray garoonka Samara.

Maguire ayaa daah-furay goolka koowaad daqiiqadii 30-aad ee qeybti hore ee ciyaarta, halka Alli uu labeeyay waxyar kadib marki ay dib u billaabatay ciyaarta qeybteedii labaad.

Dhalinyarada macallin Gareth Southgate waxay hadda sugayaan mid ka mid ah xulalka Russia iyo Croatia oo ciyaartooda ay billaaban doono wax ka yar laba saacadood.

Ingiriiska hal jeer ayuu waligii qaaday Koobka Aduunka, waxana ay aheyd sannadki 1966-ki markaas oo uu isagu marti geliyay ciyaaraha.

home

Related Articles

Back to top button

Adblock Detected

Please consider supporting us by disabling your ad blocker