Daawo: Falan-qaynta Ciyaaraha Barcelona vs Granada
Barcelona ayaa bilaabi doonta waayaha cusub ee Tababare Quique Setien, sidoo kalana waxey isha ku hayaan iney dib ugu soo laabtaan hogaanka horyaalka La Liga.
61-jirka shaqada ka badalay Ernesto Valverde ayaa nasiib u yeeshay kulankiisa ugu horreeya inuu ku ciyaaro garoonka Camp Nou, waxeyna caawa soo dhaweyn doonaan kooxda kaalinta 10-aad ee La Liga.
Balaugrana waxey ciyaareysaa markii ugu horreysay tan iyo guuldaradii xanuunka badneyd ee kaga timid Atletico Madrid, kulankii semi final-ka koobka Supercopa de Espana, waxaana isha lagu hayaa sida ay kooxda u ciyaari doonto kadib taliska cusub.
