Maayarka Hargeysa Oo Kulan Balaadhan La Qaatay Guddoomiyeyaasha Cusub Ee Degmooyinka Hargeysa
Maayarka Caasimadda Hargaysa mudane Abdikariim ahmed Mooge oo ay Weheliyaan Maayar ku Xigeenka iyo Xoghayaha Fulinta Dawladda Hoose Ee Hargaysa ayaa maanta kulankii 1aad la qaatay Dhammaan Guddoomiyeyaasha ,ku Xigeenadda iyo Xoghayahaashii loo Magacaabay Degmooyinka Magaalada Hargeysa.
Kulankan ayaa ahaa kulan lagu soo dhawaynayay masuuliyiintan cusub isla markaana lagu farayay waajibaadka shaqo ee saaran iyo in ay dadka ugu adeegaan Si hufan.
Waxa goobtaasi kalmado dardaaran ah uga jeediyay masuuliyiintan cusub maayarka Caasimadda Hargaysa, maayar ku xigeenka iyo xoghayaha Dawladda Hoose Hargaysa waxaana ay dhamaantood si isku mid ah ula dardaarmeen dhamaan masuuliyiinta dhawaan loo magacaabay xilalka kala duwan ee Degmooyinka.
