” Shiinaha Ma Aqbali Doono Faragalinta UK Ee Maamulka Hong Kong “: Safiirka Shiinaha Ee London
Safiirka Shiinaha Ee UK, Liu Xiaoming oo shir Jaraa’id ku qabtay magaalada London ayaa tilmaamay in Shiinaha aanuu aqbali doonin faragalinta UK ku hayo arimaha siyaasada shiinaha gaar ahaan maamulka Hong Kong.
Liu Xiaoming ayaa digniin adag u jeediyay dawladda UK oo ay ku eedeysay in faragalin ay ku hayaan siyaasada Hong Kong oo ay ka jirto xasarad dhanka siyaasada bilihii la soo dhaafay.
Mr Liu ayaa intaa ku daray in wadamada reer galbeedka qaar ay si cad u taageerayaan rabshadaha ka jira Hong Kong ayna tahay wax aanay u dulqaadan doonin xukuumada Beijing.
Tan iyo bishii June ayaa dibadbaxyo xoogan waxaa dhigayay shacabka iyadoo ay ku eedeeyeen maamulka Hong Kong siyaasad ahaan uu hoos tago dowlada Shiinaha.