Dowladda Soomaaliya oo ceydhisay Safiirkii Itoobiya u fadhiyay Dalkeeda
Dowladda Federaalka Soomaaliya ayaa Maanta oo khamiis ah ku dhawaaqday inay dalka ka ceydhisay Safiirkii dowladda Itoobiya u fadhiyay magaalada Muqdisho.
Go’aamo kasoo baxay shirkii Golaha Wasiirada ee Maanta ee uu shir guddoominayay Ra’iisul Wasaaraha Xukuumadda Somaliya Xamse Cabdi Barre ayaa lagu ceydhiyay safiirkii dowladda Itoobiya ee Mukhtaar Maxamed Waare.
Qaraarka ceydhinta safiirkii Itoobiya Mukhtaar Waare ee golaha Wasiirada Xukuumadda Soomaaliya ayaa waxaa sidoo kale lagu sheegay in la amray xidhitaanka qunsuliyada Itoobiya ay ku leedahay magaalada Garoowe iyo Safaarada Hargeysa.
Arrintan ayaa imaneysa iyadoo uu hore u taagnaa khilaafka heshiiskii ay dowladda Itoobiya la gashay Somaliland, isla markaana ay shalay Wasaaradda arrimaha dibadda Itoobiya shaacisay heshiis ay la gashay maamulka Puntland
