Mujaahid Axmed Mire Iyo Ugaaska Guud Beesha Arab Oo Gurigiisa Ku Booqday Cali Sandule
Mujaahid Axmed Mire iyo Ugaaska Guud ee Beelah Arab Ugaas Axmed Maxamed Siciid (Cali Mahdi) ayaa gurigiisa ku booqday siyaasiga in muddo ah xanuun la ildaran Cali Sandule .
Siyaasi Cali Sandule oo xilal kala duwan ka soo qabtay xukuumaddii kala dambeeyay ee Daahir Rayaale Kaahin iyo Axmed Maxamed Maxamuud Siilaanyo ayaa muddo xannuun u jiifa.
Xukuumadda Somaliland ee uu gadhwadeenka ka yahay Madaxweyne Muuse Biixi Cabdi ayaa si weyn loogu dhaliilay inay hagradatay inay la tacaasho xaaladda caafimaad ee siyaasi Cali Sandule.
Dhinaca kale maamulka Puntland ayaa ugu baaqay ehelada siyaasi Cali Sandule inay u soo qaadaan magaalada Garoowe si ay ugu raadiyaan dhakhtar dibaddeed taasi ay sheegeen in uu kafaalo qaaday Madaxweynaha Puntland Cabdiwali Maxamed Cali Gaas.
