Dawladda Maraykanka oo Sarkaal ka Tirsan Shirkadda Hormuud ee dhanka Isgaadhsiinta Duqeyn ku Dilay

Shirkadda Hormuud ayaa sheegtay in Sarkaal u shaqaynayey lagu dilay duqayn maanta ka dhacday meel u dhow degmada Jilib ee Gobolka Jubbada Dhexe Dhexe.

Cadnana Xaaji Cali oo ka tirsab shirkadda Hormuud ayaa VOA u sheegay in duqayntaas uu ku dhintay Maxamuud Xaaji Salaad oo ahaa maamulihii Shirkad  ee magaalada Jilib.

Cadnaan Xaaji Cali ayaa VOA u sheegay in Ninkaasi aanu wax shaqo ah ku lahayn Urur ama koox, waxaana uu sheegay inuu ahaa Nin rayid ah oo shirkadda u shaqaynayey tan iyo intii la aasaasay.

Maxamuud Xaaji Salaad ayaa la sheegay inuu ku sugnaa beertiisa markii Duqayntu dhacday, sida uu VOA u sheegay Cadnaan Xaaji Cali.

Maraykanka ayaa Maanta sheegay in Duqaynta ay gaysteen ay ku dileen Xubin ka tirsan Ururka Al-Shabaab, iyo inaan wax rayid ah wax ku Noqonin duqayntaas.

Warbaahinta oo la Xidhiidhay Taliska AFRICOM Ayaan Ilaa Hadda wax Tafaasiil ah ka Bixin Duqayntaas