Shiinaha oo ka hadlay weerarka Cusbitaalka lagu qaaday

Ka dib falcelinta Carabta, wasaaradda arrimaha dibadda Shiinaha ayaa sheegtay inay cambaareyneyso waxa ay ugu yeertay “weerarka” isbitaalka – inkastoo aysan si cad u eedayn Israel, ama mintidiinta Falastiiniyiinta.

“Shiinuhu aad ayuu uga naxay, wuxuuna si adag u cambaareynayaa weerarka lagu qaaday cisbitaalka Gaza, kaasoo sababay khasaare baaxad leh,” ayuu yiri afhayeen u hadlay Shinaha.

“Waan u baroor diiqaynaa dadkii ku dhintay, waana u tacsiyeynaynaa kuwa dhaawacmay.

“Shiinuhu wuxuu ku baaqayaa xabbad-joojin degdeg ah oo lagu joojiyo colaadda iyo dadaal kasta oo suurtagal ah si loo ilaaliyo rayidka loogana hortago musiibo bini’aadanimo oo ka sii daran.”