DAGAALKA CEELAFWEYNE MA MARKII U DAMBAYSAYBAA KAN FADHIGAAB MISE WAA BILAW CUSUB OO WEJI CUSUB WATA.
Dagaalka Ceelafweyne ee shan jirka ee labadii dawladeed ee Kulmiye ka soo hana qaaday weji buu lahaa Xukuumaddii Siilaanyo oo ay ku caddayd marna inaan la qabanayn cidda dagaalka WADDA ee BILAWDA loona tirin jiray In qaybo ka mida ahaa dawladdii Siilaanyo ay si cad u wadeen oo muuqan jirtay cidda Criminalka ah ee duulaanka qaadda in la iska indha tirijiray oo la qaban jirin ee weliba lagala mid dhigi jiray qolada la dulmayaasha ah oo mar walba la dambabasi jiray dhagar qabayaasha iyo dagaal ooogayaasha.
Maanta weji cusub ayuu dagaalka u dhigtay Xukuumadda Kulmiye ee labaad oo goaan kuna uu sidii hore iska yihiin oo inaan la qabanayn dagaal ogayaasha ee laga la mid dhigayo la dulmayaasha ayaamo yar uun la hakinayo duulaanada laakiin halkii Xukuumaddii hore ay Ciidamada Xukuumaddu toos ula safnayd dagaal ogayaasha laakiin imika xukuumaddii hore hogaamiyaasheedii jabhad isu bedeshay iyagoo og in Xukuumadda Muse Biixi Jabhadda aanay ku duuli karin maxaa yeelay labada xukuumadood ee KULMIYE wey kala warwareegayaan oo wey is feeraarinayaan qolana Wey jabhadaynaynayaan qolana wey dawladaynayaan dagaalkuna shanta sano ee soo socda sidii buu u soconayaa weliba xagga Ceerigaabo ayuu ku fidayaa. Imika ciddii dembiga lahayd lama soo qabanayo Lama taabanayo ee qacan bira ok been ah baa jiraysa ayaamo iyo wasiiro isdabayaacaya oo siigaynaya wadooyinka ayaamo dabadeedna mafrishyadoodii Hargeysa bay dhaqso ugu noqonayaan.
Hadaba maxaa la gudboon dulminayaasha iyaguna waa inay wejiga cusub ee dagaaka ka diyaar garoobaan oo wejiga cusub weji ay ku nabad galaan diyaar garaystaan tii Allah na meel bay taal tii shaydaanka meel bay taal laakiin labada XUKUUMADOOD EE KULMIYE ISKU Go’AAN BAY KA JOOGAAN OO AH QAWDA-MAQASHII-WAXNA-HA U QABAN. hubaal ayaan dhaw dagaalku markaluu dhacayaa maxaa yeelay soo duulayaashii lama doonanayo halkaana loo dhaafimaayo haddaan cudurkani kuba dhicin oo daaliminiinta aanuu asiibin dhowaan.
Weli adduunka lama arag wax dawlad isku sheega oo qof ummad maalin walba laynaya oo aan lasoo qabanayn, culimo ka hadlayn xaqa ee ay quraankii iyo diintii la gabbanayaan, shacab aan ummadnimo waxba ku falayn laakiin qabiilnomo wax moodaya, wax garad aan aan waxgaradka ahayn hadana wax garad sheeganaya oo oo dulmi dugsanaya iyo daalimiin.
SOMALILAND maanta ummadi kuma dhaqna , wadan iyo dawlad wada lihi laakiin waa meel iska budhcadnimo isku hoggaamisa waana gabaabsi qaranimo oo waa la iska noolyahay. Madaxweynihii oo hogaamiye kooxeed loogu yeedho isna og in arinkaasi xaqqiiq yahay.
Bilaha soo socda waxan aan sheegayo eega run bay wada noqonayaane.
M Bashe