Xildhibaano Ka Tirsan Puntland Oo Gaadhay Magaalada BADHAN Xilli Ay Jirto Xiisad U Dhaxaysa Puntland iyo Somaliland.
Wefdi ka kooban xildhibaanno iyo wasiirro ka tirsan Puntland ayaa maanta gaadhay magaalada Badhan ee gobolka Sanaag.
Socdaalka wefdiga ayaa la xidhiidha u kuur-galka xaaladda gobolka Sanaag waxaana ay kulan la qaateen maamulka gobolka Sanaag kan degmada Badhan iyo saraakiisha ciidamada difaaca Puntland ee ku sugan degaanka xilli ay halkaasi ka jirto xiisad u dhexaysa Puntland iyo Somaliland.
Cutubyo ka tirsan ciidamada Daraawiishta Puntland oo ka baxay magaalada Badhan ayaa sidoo kale u ruqaansaday dhinaca degmada Yubbe oo ay maalmo ka hor fadhiisimo ka sameysteen ciidamada Somaliland.
Xiisad u dhexaysa Puntland iyo Somaliland ayaa maalmaham dambe ka aloosan gobolka Sanaag kadib markii Somaliland ay ciidamo soo dhoobtay degmada Yubbe iyo tuulooyin hoosyimaada.
Oodweynenews Sanaag
