Madaxweynaha jamhuuriyadda Somaliland oo xadhig-ka-jaris iyo kormeer ku sameeyey mashaariic xukuumaddu ka hirgelisay magaalada Laascaanood
Madaxweynaha Jamhuuriyadda Somaliland Mudane Muuse Biixi Cabdi oo safar shaqo ku joogay gobolka Sool, ayaa maanta xadhigga ka jaray mashaariic kala duwan oo xukuumaddu ka hirgelisay gudaha magaalada laascaanood, isaga oo kuwo kalena kormeeray.
Madaxweyne Muuse Biixi Cabdi waxa uu xadhigga ka jaray xarunta cusub ee ciidanka Dab-demiska looga bineeyey gudaha magaalada Laascaanood iyo dhisme cusub oo lagu kordhiyey xarunta gobolka Sool, isaga oo sidoo kalena kormeeray xarunta cusub ee madaxtooyada oo dhismaheedu socdo.
