Wasiirada Maaliyadda ee Somalia iyo Turkiga oo Kulmay

Ankara (OWN)– Wasiirka Maaliyadda Xukuumadda federaalka ah ee Soomaaliya, Mudane Cabdiraxmaan Ducaale Beyle .

Ayaa kulan gaar ah la qaatay dhiggiisa dalka Turkiga Lütfi Elvan, iyaga oo ka wada hadlay arrimo muhiim u ah labada dowladood.

Kulanka oo Saacado badan qaatay ayaa wdiirada lagu saaray, iskaashiga iyo xidhiidjka labada dal, gaar ahaan is-badalka iyo dib u habeynta maaliyadda dalka.

Sidoo kale waxa ay isla soo qaadeen sidii hore loogu sii wada lahaa Taageerada maaliyadeed ee Turkiga uu siiyo dowladda federaalka ah ee Soomaaliya.

Beyle oo qoraal soo saaray ayaa faah faahin ka bixiyey kulanka uu la yeeshay wasiirka maaliiyadda Turkiga oo uu sheegay inuu si hagar la’aan ah u garab istaagay Soomaaliya

Sharaf ayay ii tahay in aan la kulmay  Mr Lütfi Elvan oo ah Wasiirka Maaliyadda dowladda Turkey oo si hagar la’aan ah inoo garab istaagtay, waxa aan ka wada hadalnay isbadalka iyo dib-u-habeynta Maaliyadda dalka,

Sidii hore loogu sii wada lahaa iyo taageerada Maaliyadeed ee dowladda Turkiga,”ayuu yidhi Wasiir Cabdiraxmaan Ducaale Beyle.

Si kastaba ha’ahaatee Turkiga ayaa ah saaxibka koowaad ee Soomaaliya, isaga oo ka caawiya dhinacyo dhowr ah, sida dhaqaalaha, caafimaadka iyo dib u dhiska ciidamada