Ergooyinka Labadii Beelood Ee Colaadu Ku Dhex Martay Gobalka Sool Iyo Isimada Dhaqanka Oo U Ambo Baxay Una Jihaystay Magaalada Jigjiga+Ka Bogo Faah-faahinta.
Laascaanood-(OWN)-Waxaa Saaka Koonfurta gobolka Sool ka baxay Ergooyinka labadii dhinac ee Colaadu dhexmartay iyo Isimadii dhaqanka ee ku Jiray Howsha Nabadda, kuwaasi oo Jig-jiga uga Qayb gelaya Gogol nabadeed oo uu Fidiyey Madaxweynaha dawlad deegaanka Soomaalida Mustafe Muxumud Cumar [ Cagjar ]
Dhowaan ayaa waxaa Labada Beelood Qaateen Xabad Joojin Shuruud la’aan Iyo Nabad, Waxaana Gogosha la dhigay magaalada Jigjiga, Waxay sidoo kale iska soo xuleen labada dhinac 42 Xubnood.
Garaad Kulmiye oo dhowaan ka hadlayey Go’aanka Jigjiga lagu dhigay Gogosha Nabadda ayaa sheegay 12 jeer oo Hore lagu Qabtay dhinaca soomaaliya, Labada Beeloodna ay degaan Labada dhinacba, Markaana lagu eegayo Jigjiga.
Madaxwaynaha deegaanka Soomaalida Mustafe Cagjar ayaa sidoo kale waxaa lagu xasuustaa Gurmadkii uu deegaanka dadkii ay Colaadu ku samaaysay u fidiyey.
