Dawladda Imaaraatka oo Xayiraad Kusoo Rogtay Wadamo ay Somalia ka Mid Tahay
Abu Dubia (OWN) Dowladda Isu Taga Imaaraadka Carabta ayaa markale xayiraad cusub ku soo rogtay dalal ay ku jirto Soomaaliya, sida ay maanta warisay warbaahinta gudaha ee dalkaasi.
Go’aankan ayaa la xidhiidha soo laba kaclaynta cudurka safmareenka ah ee Coronavirus oo horey saameyn ugu yeeshay dalal badan oo ku yaalla caalamka.
Wadamada uu saameynayo go’aankan cusub ee Imaaraadka ka soo baxay Waxaa ka mid ah Somalia, Kenya, Yemen, Iran, Iraq, Pakistan, Afghanistan, Syria iyo Turkiga.
Xayiraada la saaray wadamadan ayaa la sheegay inay socon doonto illaa amar dambe, inkasto aan la shaacin waqtiga rasmiga ah ee la qaadi doono.
Imaaraadka ayaa Soomaaliya la leh xidhiidh Ganacsi iyo mid diblumaasiyadeed, waxaana la sheegay in go’aankan uu sameyn doono muwaadiniinta Soomaalida ee u safra dalkaas.
Si kastaba Soomaaliya ayaa ka mida ah dalalka uu ku soo laba kacleeyey xanuunka Covid-19, sida lagu sheegay warbixin ka soo baxday dowladda Soomaaliya.
