Madaxweyne Muuse Biixi Oo Maanta Wareegto ku magacaabay Maareeye ku xigeenka Cusub Haamaha Keydka Shidaalka JSL
Madaxweynaha Jamhuuriyadda Somaliland, Mudane Muuse Biixi Cabdi, waxa uu wareegto Madaxweyne oo summadeedu tahay JSL/XM/WM/222-278/032019, ku magacaabay Maareeye ku xigeenka Haamaha Keydka Shidaalka Jamhuuriyadda Somaliland.
Waxaanay u dhignayd wareegtada madaxweynuhu sidan:-
Wareegto Madaxweyne
Magacaabid
Markaan Arkay:Dastuurka Jamhuuriyadda Somaliland, Qodobka 90aad;
Markaan Tixgeliyey:Ahmiyadda ay Haamaha Kaydka Shidaalku u leeyihiin Dhismaha Qaranka;
Markaan Arkay:Aqoontiisa, Kartidiisa, iyo Waaya-aragnimadiisa;
Markaan ku Qancay:In uu Hanan Karo Masuuliyadda ka Dhalanaysa Xilkan;
Markaan Sameeyey: La-tashi;
Waxaan Go’aansaday;
In Mudane, Carfaan Xaamud Cabdoo, laga bilaabo taariikhda maanta uu ahaado Maareeye Ku Xigeenka Haamaha Kaydka Shidaalka Jamhuuriyadda Somaliland.
Allaa Mahad Leh
Muuse Biixi Cabdi
Madaxweynaha Jamhuuriyadda Somaliland
