Maamulka Puntland Oo Adkeeyey Amaanka Degaanadaas Ee Diyaar-garawga Xuska 1-da Agost
Maamul goboleedka Puntland ee soomaaliya ayaa ku dhawaaqay in uu ku guda jiro diyaar-garowgii ugu dambeeyay ee munaasabada sanad-guuradii 21aad ee kasoo wareegatay aas-aaska maamulkaas.
Wasiir ku xigeenka Wasaaradda Amniga maamulkaas ayaa wuxuu shaaciyey in nabad-gelyadda degaanada maamulka goboleedkaasi sare loo qaadayo inta lagu guda jira maalmaha munaasabada oo la qaban-qaabinayo.
Yuusuf Maxamed Ismaaciil oo ka codsaday dadweynaha in ay kala shaqeeyaa laamaha amniga sidii ammaanka loo sugi lahaa ayaa u digay shaqsiyaad uu sheegay in ay ku howlan yihiin falal liddi ku ah xasiloonida.
