Ciidamada Itooobiya oo mar kale duqeeyey caasimadda Tigray
Wararka ka imanaya magaalada Mekelle, ee is maamulka Tigreega ee waqooyiga Itooobiya, ayaa sheegaya in halkaasi ay duqeeyeen diyaarado saaka aroortii, sida uu sheegay Tv ay maamulaan jabhadda TPLF.
Magaalada xarunta u ah gobolka Tigreega, ayaa markii labaad waxaa ka dhacey duqeymo toddobaad gudihiis.
Goobjooge ayaa sheegay in duqeyn hawada ah ay magaalada ka dhacdey aroortii, abaarihii 10:20 oo barqanmo, iyadoo bartilmaameedka duqeymahaasi ay ahaayeen xarunta laga raaco basaska iyo enginer-riyadda ee Mesfin.
Laakiin waa wax adag in si madax bannaan loo caddeeyo faah faahinta ku saabsan duqeyntan, maadaama gobolkani dhanka war isgaarsiinta uu aad u liito.
Isniintii dowladda Itoobiya, ayaa sheegtay iney hawada ka duqeysay goobo ay yaallaan hub iyo war isgaarsiin.
Si kastaba ha ahaatee, goob joogeyaal iyo dhakhaatiir, ayaa sheegay in duqeynta hawada ay dishey saddex qof oo raiyd ah.
