Wasiir Siciid Sulub Oo Magaaladda Ceerigaabo Kaga Daahfuray Dhismaha Dekedda Maydh
Wasiirka xanaanada xoolaha iyo horumarinta Kalluumaysiga oo magaalada Ceerigaabo ka daah furay mashruuca dhismaha Dekedda Maydh ee gobolka Sanaag.
Munaasibadda lagu daahfurayay dhismaha dekedda Maydh waxa kasoo qayb galay maamulka gobolka Sanaag iyo kan degmada Ceerigaabo, madax dhaqameed, Ganacsato Culimo iyo Haween.
Madaxa mashruuca dhismaha dekedda Maydh Mursal Ardaale Cabdi iyo Najax Maxamuu Aadan oo ah ku xigeenka madaxa sanduuqa horumarinta Somaliland ee (SDF) ayaa sheegay in xukuumadda iyo Sanduuqu horumarinta Somaliland ay isla garteen in la maalgaliyo dekedda Kalluunka ee Maydh
Maamulka gobolka Sanaag iyo kan degmada Ceerigaabo, Maayarka degmada Maydh madax dhaqameed iyo masuuliyiin kale ayaa soo dhaweeyay mashruuca dhismaha dekedda Maydh iyagoo xusay qiime wayn u leeyahay gobolka.
