Raiisulwasaaraha Somalia oo ka Hadlay Hawlihiisa Shaqo
Muqdisho (OWN) – Sii-hayaha xilka ra’iisul wasaare Mahdi Maxamed Guleed ayaa ka dhawaajiyay in dowladda Nabad iyo Nolol ee madaxweyne Farmaajo ee inta ka hadhsan muddo xileedkeeda ay juhdi iyo xoog badan gelin doonto sidii maqaamka magaalada Muqdisho loo hirgelin lahaa loona dhameystiri lahaa.
Mudane Mahdi Guuleed ayaa sheegay in guul weyn ay tahay in go’aanka ansixinta baarlamaanka ee 13-ka xubnood ku yeelanaya Aqalka Sare uu markii horeba ka timid codsi madaxweyne, haddana ay ka shaqeynayaan sidii madaxweynahu uu u saxiixi lahaa, lana sugaayo saxiixa madaxweyne Farmaajo oo mudo bil iyo bardh ah uu sharcigaasi horyaalo si uu u saxiixo.