Dowladda Canada oo kahortagga uurka ka caawineysa haweenka dalkaas

Dowladda Canada ayaa ku dhawaaqday in ay si buuxda u bixin doonto qarashka ka hortagga uurka ee haweenka.

Ra’iisul wasaaraha, Justin Trudeau, ayaa sheegay in haweenku ay xor u yihiin inay doortaan ka-hortagga uur qaadidda ee ay u baahan yihiin iyada oo aan wax kharash ah la helin.

Dawladdu waxay sidoo kale siin doontaa dawooyin bilaash ah dadka xanuunka macaanka qaba.

Xilliga isbeddellada weli lama shaacin.

Canada waxay leedahay nidaam daryeel caafimaad oo caalami ah, laakiin dawooyinka dhakhtarku si joogto ah looguma bixiyo lacag la’aan.

Isbeddelka waxaa dalbaday xisbiga bidix ee New Democratic Party, si uu u taageero dawladda laga tirada badan yahay ee Mr Trudeau.