Dagaal Ka Dhacay Magaalada Garba Ciise Oo U Dhexeeya Soomaalida iyo Cafarta dalka Itoobiya

Dagaal u dhexeeya Soomaalida iyo Cafarta dalka Itoobiya ayaa waxa uu markale ka qarxay magaalada Garba Ciise ee dalka Itoobiya.

Wararka waxay intaa ku darayaan in dagaalkan uu u dhexeeyo xoolo dhaqatada soomaalida ah iyomaleeshiyaad ka soo jeedo deegaanka Canfarta.

Illaa hadda lama hayo khasaaraha dhabta ah ee ka dhashay colaaddan, Magaalada Garba Ciise waxay dhacdaa jidka isku xidha Itoobiya iyo Jabuuti.

Shaley ayay aheyd markii Xukuumadda Deegaanka Soomaalida ee dalka Itoobiya ay sheegtay inay difaaci doonaan dadka Soomaalida ah ee deggaanka aagga Garba Ciise iyo deegaannada ku xeeran.

Hadalkan ayaa imaanaya kaddib dagaal Sabtidii la soo dhaafay ka dhacay aaggaasi oo la sheegay inay ku dhinteen Soomaali badan kaddib markii ay halkaasi weerrar kula wareegeen ciidamo ka tirsan kuwa maamulka deegaanka Canfarta.