Al-shabaab Oo Sheegtay Masuuliyadda Weerarka Hoteelka AFRIK Ee Muqdisho
Ururka Al-shabaab ayaa sheegtay mas’uuliyadda Qarax ismiidaamin ah iyo dagaal toos ah oo lagu weeraray Hoteelka lagu magacaabo AFRIKA oo ku yaal Isgoyska Lambar4 ee Muqdisho.
Al-shabaab waxay sheegteen in ay weerar ismiidaamin ah iyo dagaal toos ah ku qaadeen Hoteel AFRIKA islamarkaana gudaha Hoteelka uu haatan ka socdo dagaalku balse faahfaahin kama bixin khasaaraha weerarkaas.
Dhinaca kale Laamaha Amniga dowladda Soomaaliya ayaa la xaqiijyay in ay gudaha Hoteelka ka soo badbaadiyeen dad kala duwan oo ay ku jiraan mas’uuliyiin ka tirsan dowladda iyo siyaasiyiin mucaarad ah.
Dadka la soo badbaadiyay waxa ku jira Gen Yuusuf Maxamed Siyaad Indha-cadde iyo Mulkiilaha Hoteel AFRIKA Xuseen Goley.
Sidoo kale weli waxa socda Rasaas ka dhacaysa gudaha Hoteelka lamana oga khasaaraha dhabta ah ee ka dhashay.
