Dawlada Talyaaniga oo Xaqiijisay in Xanuunka Coronavirus uu Haleelay Taliyaha Guud ee Ciidamada Wadankeeda
Dowladda Talyaaniga ayaa xaqiijisey warar sheegayay in Cudurka Dunida Wareeriyay ee Coronavirus .
Uu Ku Dhacay Taliyaha guud ee Ciidamada dalka Talyaaniga Jeneraal Salvatore Farina.
Warabahinta dalka Talyaaniga oo soo xiganeysay Mas’uuliyiin ka tirsan dalkaas ayaa Sheegtay in baadhitaan lagu sameeyey Taliyaha laga helay Cudurka Coronavirus.
Isla markaana la go’aamiyey in muddo 14 Maalmood ah la karantiimeeyo.
Waxaanay Xukuumadu Ku Talisay in
Si kumeel gaadh ah Uu xilka Taliyaha Guud ee Ciidamada Talyaaniga Loogu Sii Magacaabey Jeneraal Federico Bonato,iyada oo muddada 14-ka Maalmoodka ah Gurigiisa lagu karantiimayo doono.
Si kastaba dalka Talyaaniga oo ah dalka labaad ee Cudurkaasi uu ka dilaacey ayaa waxaa ilaa iyo hadda la xaqiijiye inay u dhinteen 366 qof,waxaana uu ku dhacay dad gaaraya ilaa 7,375 qof.
iyada oo Ra’iisul Wasaaraha Dalka Talyaaniga Giuseppe Conte uu amar ku bixiyay in la xiro gobolka waqooyiga ee Lombardy iyo 14-gobol oo kale,taas oo lagu xakameynayo inuu faafo Cudurka Coronoviruska.