“Kooxaha Agagixisada ah ee Al-Qaacida Iyo Al-Shabaab, ayaa isku dayaya inay khalkhal galiyaan Somaliland” Xisbiga UCID Digniin Culu Soo Saaray.

Kooxda Agagixisada ah ee Al-Qaacida ee Al-Shabaab, ayaa isku dayaya inay khalkhal galiyaan Somaliland, iyaga oo khatar toos ah ku ah nabad-gelyada gudaha Somaliland, xasiloonida gobolka oo dhan iyo
marinka caalamiga ah ee badda cas ee istiraatiijiga ah.

Haddaanu nahay xisbiga UCID ee Somaliland waxa uu beesha caalamka ugu baaqayaa sidan.

1- In la kordhiyo taageerada ciidamada Somaliland ee la dagaalanka Al-Shabaab iyo khataraha kale si wax ku ool ah.

2-In la Baadho oo La ganaaxoo shakhsiyaadka muhiimka ah ee ku xidhan maalgelinta iyo abaabulka maleeshiyaadka sida qunyar socodka ah ugu soo qulqulaya magaalada Laascaanood.

3- In la aqoonsado muhiimadda doorashada madaxtinimo ee soo socota inay tahay waqti muhim ah iyo adkaynta dimuqraadiyadda iyo xasiloonida Somaliland.

4- In la siiyo taageero maaliyadeed oo degdeg ah iyo mid farsamo habsami u socodka doorashada, iyada oo la hubinayo in
hufnaan, kalsooni, iyo dhaqan nabad ah lagu qabto.

5- In la cambaareeyo faragelinta shisheeye ee arrimaha gudaha Somaliland, si firfircoonna looga hortago ololayaasha kala duwan ee looga dan leeyahay in lagu khalkhal geliyo gobolka” ayaa ka mid ah warsaxaafeedka UCID