Dawladda Turkiga oo billaabaya howl-galka Syria kadib bixitaanka Mareykanka
Madaxweynaha Turkiga Recep Tayyip Erdogan ayaa maanta sheegay in ciidamadiisa ay diyaar u yihiin inay daqiiqad kasta billaabaaan howl-gal ka dhan mintidiinta Kurdish-ka ee dalka Syria kadib markii dowladda Mareykanka ay sheegtay inaysan is-hortaagi doonin.
“Waxaa jirta oraah aan mar kasta dhahno: waxaan iman karnaa habeenkii aan doonno innaga oo aan ogeysiin bixin” ayuu Erdogan u sheegay weriyayaasha.
“Waa wax aanay su’aal ka taagneyn inaan usii dulqaadanno halista nooga imaneysa kooxaha argagixisada.” Ayuu yidhi Erdogan isaga oo tixraacaya mintdiinta Kurdish-ka.
Aqalka Cad ayaa axaddii sheegay in Turkiga “ay dhowaan ku dhaqaaqi doonaan howl-galka muddada la qorsheynayey” ee waqooyiga Syria.
“Ciidamada Mareykanka ma taageeri doonaan, kamana qeyb-qaadan doonaan howl-galka, sidaas darteedna, maadaama ciidamada Mareykanka ka adkaadeen Daacish, masii joogi doonaan halkaas,” ayaa lagu yidhi qoraal kasoo baxay Aqalka Cad kadib wada-hadal taleefon oo dhex-maray Trump iyo Erdogan.
