Oodweyne News - Latest Somali News Update

Dalalka Faransiiska Iyo Belguim-ka Oo Ka Hor Yimi Natiijada Doorashada Madaxtinimo Ee Congo.

Wadamada Faransiiska Iyo Belgium-ka ayaa si adag uga hor yimid natiijadii doorashada madaxtinimo ee wadanka Dimuquraadiga Congo oo uu ku guuleestay hogaamiyaha Mucaaradka Felix Tshisekedi.
Dalalkaan ayaa sheegay in ay u muuqato in uu guuleestay Martin Fayulu.


Hadalkaan ayaa imaanaya saacado uun kadib markii gudiga doorashada ay ku dhawaaqeen khamiista maanta Natiijada doorashada.

Wasiirka Arimaha dibeda Faransiiska Jean-Yves Le Drian ayaa sheegay in ay aheyd in lagu dhawaaqo guuleestaha uu ku sheegay Fayulu, halkii la shaacin lahaa Tshisekedi.

Dhanka kale xukuumada Paris ayaa tilmaantay in wadanka Congo oo loo daabulay in ka badan 40,000 oo korjoogto ah ay dhamaantood og yihiin murashaxa ku guuleestay doorashada.

Dhanka kale wasiirka Arimaha dibeda Belgian-ka ayaa sheegay in uu shaki ka qabo guusha hogaamiya mucaaradka waxaana uu tilmaamay in dacwad arintaan ka dhan ah ay geyn doonaan golaha amniga Qaramada Midoobay.