Dhimasho ka dhalatay mudaaharaadayaal iyo ciidamada Ciraaq is fara saaray

Ugu yaraan labaatan qof, ayaa ku dhintay boqollaal kalana way ku dhaawacmeen, iska horimaad ka dhacay agagaarka baarlamaanka Ciraaq ee magaalada Baqdaad.

Gantaalo, hoobiyeyaal iyo qoryaha darandooriga u dhaca, ayaa loo adeegsaday iska horimaad dhexmaray ciidamada ammaanka Ciraaq, iyo taageerayaasha wadaadka Shiicada ah ee Muqtada Al-Sadr.

Isbahaysigiisa siyaasadeed ayaa ku guuleystay tiradii ugu badneyd ee kuraastii baarlamaanka ee doorashadii sannadkii hore.

Balse Isniintii ayuu Muqtada ku dhawaaqay inuu xirayo xafiiskiisa siyaasadda, taasoo keentay in taageerayaashiisa ay xoog ku galaan xarunta madaxtooyada.

Shirkadaha diyaaradaha ee gobollada dalkaasi isaga kala goosha, ayaa hakiyay duulimaadyadii ay sameyn jireen, iyadoo waddamada jaarka ay ku boorriyeen muwaadiniintooda inay Ciraaq ka baxaan.

home

Related Articles

Back to top button

Adblock Detected

Please consider supporting us by disabling your ad blocker