Madaxweyne ku Xigeenka Somaliland Saylici Oo Socdaal Shaqo Ku Maraya Dalalka Kuwayt Iyo Imaaradka Carabta.

Madaxweyne-xigeenka Jamhuuriyadda Somaliland Mudane Cabdiraxmaan Cabdillahi Ismaaciil Saylici ayaa socdaal shaqo ugu baxay dalalka Khaliijka Carabta, safarkaas oo uu ku marayo dalalka Kuwayt iyo Imaaraadka Carabta.

 

Madaxweyne ku xigeenka Somaliland Mudane Saylici, ayaa socdaalkiisa shaqo ee uu ku marayo dalalka Khaliijka waxaa uu ku horreeyay dalka Kuwayt.

 

Waxaa kale oo uu safarkiisa shaqo ku soo mari doonaa dalka Imaaraadka Carabta isagoo socdaalkiisa ku tegi doona Dubay iyo Abu Dubay.

 

Md Saylici oo dorraad socdaal shaqo ugu baxay dibedda ayaa sheegay inuu soo mari doono wadamadda Kuwait, iyo Imaaraadka Carabta, sida Abu Dhabi & Dubai..

Madaxweyne-xigeenka Somaliland Mudane Cabdiraxmaan Saylici ayaa ka hadlay safarkiisa shaqo waxaana uu yidhi,

“Waxaan safar shaqo oo gaaban ku marayaa, Kuwait, Dubai iyo Abu Dhabi si aan u xoojino xidhiidhka walaaltinimo ee aynu la leenahay dalalka khaliijka.”

Somaliland iyo Imaaraadka Carabta ayaa ah saaxiibo dhow & xulafo adag, oo ka wada shaqeeya kor u qaadida nabadda, amniga iyo horumarinta dhaqan- dhaqaale ee labada wadan

 

Waxaana la filayaa in Madaxweyne ku xigeenka Somaliland mudada uu socdaalka shaqo ku marayo dalalka Khaliijka in uu kulamo kala duwan la yeesho madaxda dalalka Khaliijka isla markaana kulamadaa lagaga wada hadlo xidhiidhka Somaliland iyo dalalka Khaliijka iyo sii xoojintiisa.

home

Related Articles

Back to top button

Adblock Detected

Please consider supporting us by disabling your ad blocker