๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐ ๐จ๐จ ๐ฌ๐๐๐๐ซ ๐ฌ๐ก๐๐ช๐จ ๐จ๐จ ๐ญ๐๐๐ซ๐ข๐ข๐ค๐ก๐ข ๐๐ก ๐ฎ๐ ๐ฎ ๐ค๐ข๐๐ข๐ญ๐ข๐ฆ๐๐ฒ ๐๐๐ฅ๐ค๐ ๐๐๐ซ๐๐ฒ๐ค๐๐ง๐ค๐
Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa maanta safar shaqo oo rasmi ah ugu kicitimay dalka Maraykanka, isaga oo sii mari doona Dalka Isutagga Imaaraadka Carabta.
Safarkan oo ah kii ugu horreeyey ee uu Madaxweyne ahaan ku tago Maraykanka, waxa uu muhiim u yahay xoojinta xidhiidhka diblomaasiyadeed, iskaashiga amniga iyo dhaqaalaha, dhiirrigelinta maalgashiga iyo horumarinta qaddiyadda aqoonsiga Jamhuuriyadda Somaliland.
Inta uu safarka ku jiro, Madaxweynuhu waxa uu kulamo la yeelan doonaa masuuliyiin iyo dhinacyo muhiim ah, isaga oo gudbinaya codka, danaha iyo himilada Shacabka Somaliland.
Safarkani waxa uu muujinayaa in Somaliland ay dunida kula macaamilayso kalsooni, masuuliyad iyo aragti Qaran, isla markaana ay diyaar u tahay iskaashi istiraatiji ah oo ku dhisan danaha wadajirka ah.
