๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐ ๐จ๐จ ๐ก๐จ๐ซ๐ญ๐ข๐ข๐ฌ๐ ๐ฅ๐๐ ๐ฎ ๐๐ก๐๐๐ซ๐ข๐ฒ๐๐ฒ ๐ฑ๐ฎ๐๐ง๐จ ๐ค๐ ๐ฆ๐ข๐ ๐๐ก ๐๐จ๐ฅ๐๐ก๐ ๐๐๐ฌ๐ข๐ข๐ซ๐ซ๐๐๐ ๐ข๐ฒ๐จ ๐ฑ๐ฎ๐๐ข๐ง ๐๐จ๐ฆ๐ข๐ง๐ฌ๐ก๐ข๐ง๐๐๐ซ
Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa maanta hortiisa lagu dhaariyey xubno ka mid ah Golaha Wasiirada ee Qaranka JSL iyo xubin ka tirsan Guddida Diwaangalinta iyo Ansixinta Asxaabta Qaranka kuwaas oo uu dhawaan Madaxweynaha JSL u magacaabay Xilalka Qaranka.
Munaasibadda Dhaarta Dastuuriga ah ee Masuuliyiinta loo magacaabay Xilalka Qaranka, waxa Madaxweynaha ku wehelinayey Guddoomiyaha Maxkamadda Sare ee JSL ahna Guddoomiyaha Maxkamadda Dastuuriga ah, Mudane Aadan Xaaji Cali Axmed. Sida ku cad Qodobka 129-aad ee Dastuurka JSL, Guddoomiyaha Maxkamadda Sare waxa uu Masuuliyiintan ku dhaariyey Madaxweynaha hortiisa.
Madaxweynaha Jamhuuriyadda Somaliland ayaa Munaasibadda dhaarta hadal kooban ka jeediyey isaga oo sheegay in dhaarta Xilalka Qaranka JSL ay tahay ballan-qaad culus oo Diini iyo Dastuuriba ah loona baahan yahay in Masuuliyiinta Xilalka loo magaacabay ay si joogto ah ugu baraarug-sanaadaan culayska uu leedahay Xilka Qaran ee ay u dhaarteen.
