Guddoomiyaha Maxkamadda Sare JSL, oo dhaariyay xubin buuxinaysa jago ka bannaanaatay Golaha Guurtida.
Guddoomiyaha Maxkamadda Sare ee Jamhuuriyadda Somaliland, mudane Aadam X. Cali Axmed, ayaa maanta oo ay taariikhdu tahay 11/09/2025-ka, dhaariyay Maxamuud Siciid Jaamac Cali, oo laga bilaabo maanta ka mid noqonaya mudanayaasha Golaha Guurtida JSL.
Mudanaha la dhaariyay ayaa buuxiyay jago uu dhawaan banneeyay, AHN mudane Siciid Jaamac Cali, taasi oo Guddoomiyaha Golaha Guurtidu uu Maxkamadda Sare u soo gudbiyey codsi uu ku dalbanayo in xilkaasi loo dhaariyo Maxamuud Siciid Jaamac Cali.
Dhaarinta ka dib Guddoomiyaha Maxkamadda Sare Aadam Xaaji Cali, waxa uu kula dardaarmay mudanaha in uu Qaranka ugu adeego, si daacad ah oo hufan, waxaanu ALLE uga baryay in uu u fududeeyo masuuliyada culus ee loo igmaday.
