Saamileyda shirkadda Tesla oo wali kusii kalsoon Elon Musk
Saamiyada Tesla ayaa shalay hoos u dhacay 14%, iyadoo khilaafka u dhexeeya Elon Musk iyo Madaxweyne Trump uu si weyn u muuqday.
Warqad ahaan, shirkadda ayaa qiimaheeda khasaartay lacag dhan $150 bilyan (£110.7 bilyan).
Laakiin aan yar macnayno, qiimaha saamiyada Tesla hadda wuxuu ku dhow yahay meesha uu joogay bil ka hor – ka hor intii Musk aanu shaacin inuu ka tagayo shaqadiisa Aqalka Cad si uu ganacsigiisa usii wato.
Qiimuhu wuxuu hoos uga dhacay 25% bilowgii sanadkan, laakiin wuxuu kor u kacay 60% intii lagu jiray 12-kii bilood ee la soo dhaafay.
Ka dib doorashadii Mareykanka sanadkii hore, saamiyada Tesla ayaa si weyn u kacay, maalgashadayaashuna waxay ku khamaareen xidhiidhka dhow ee Musk la leeyahay madaxweynuha uu shirkadda u noqon doono faa’iido.
Faa;iidooyinkaas muddada-gaaban ayaa hadda ku dhow in gebi ahaanba u dhow kuwo khasaaray. Laakiin qiimaynta Tesla wali waa mid aad u sarreysa marka loo eego dakhligeeda.
Tani waa sababta oo ah saamileydu weli ku rejo weyn yihiin qorshayaasha Musk ee taksiyada iswada iyo robots-ka dadka u eg inay noqon doonaan guulo waaweyn.
