Markab hubka Sida oo la sheegay inuu Masar ka yimid oo kusoo xirtey dekada Muqdisho.

Masar ayaa hub iyo Ciidan usoo diraysa Soomaaliya, iyadoo ka leh gobolka Geeska Africa dano istaraatiijiyadeed oo ku aadan biyaha Nile, waxayna tallaabooyinka Al-Siisi uu qaadey laga digayaa dagaal inay horseedo.

Soomaaliya ayaa dhexda ka gashay muranka Nile ee Itoobiya iyo Masar u dhaxeeya, waxayna noqonaysaa saaxad labada quwadood ku loolamaan, sida khubarada siyaasadda sheegeen.

Mudooyinkii dambe, hub ayaa si aad ah soo galayay Soomaaliya, oo dhinacyo kala duwan keensadeen, kana yimid dowlado is diidan, oo qaarkood lasoo degeen shaqsiyaad ku dhaw maamulka Xasan Sheekh, waxayna tani jebinaysaa xayiraadii hubka laga qaadey dalka.