Ra’iisul Wasaaraha Israa’iil oo booqday halkii uu ka dhacay weerarkii carruurta lagu laayay

Ra’iisul wasaaraha Israa’iil, Benjamin Netanyahu ayaa booqday magaalada Majdal Shams oo ah halkii lala beegsaday gantaallo ay ku dhinteen 12 qof oo carruur u badnaa Sabatidii la soo dhaafay.

Netanyahu ayaa wacad ku maray inuu jawaab adag ka bixin doono weerarkaas oo ay ku eedeyeen ururka Xisbullaah ee dalka Lubnaan. Xisbullah ayaa iska fogeysay eedaha Israa’iil ee ku aaddan falkaan..

Ma cada ilaa iyo imika nooca tallaabada ay israa’iil ka qaadi doonto Xisbullah, hase-yeeshee waxaa laga qabdin qabaa in labada dhinac uu dagaal ka dhex qarxo.

Weerarkaan ayaa Israa’iil gaarsiiyay khasaarihii ugu xoogganaa tan iyo markii uu bilowday dagaalka u dhaxeeya Xamaas iyo Israa’iil bishii Oktoobar ee sanadkii hore.