Ciidanka Israa’iil iyo dhallinyaro Falastiiniyiin ah oo isku fara saaray gudaha Masjidka Al-Aqsa
Waxaa ay iska hor imaadyo xooggan habeenkii labaad oo xiriir ah ka dhaceen gudaha Masaajidka Al-Aqsa ee magaalada Quddus.
Ciidamada amaanka Israa’iil ayaa gudaha u galay dhismahaasi oo ay Yuhuuda u taqaan Temple Mount.
Kumanaan qof ayaa ku sugnaa gudaha masaajidka markii ay shaqaaqada dhacaysay.
Afhayeen u hadlay booliiska Israa’iil ayaa sheegay in ciidamadu ay ka hor istaageen qaar ka mid ah dhallinyarada Falastiiniyiinta in ay gudaha isku xiraan.
Hay’adda Bisha Cas ee Falastiin ka hawlgasha ayaa sheegtay in lix qof ay ku dhaawacmeen kadib markii bambooyinka gacanta laga tuuro iyo rasaasta cinjirka ah ay adeegsadeen ciidamada Israel.
