Shirkadaha Korontada Hargeysa oo Sare u Qaaday qiimsha Laydhka
Shirkaddaha korontada magaalada Hargeysa ayaa sare u qaaday qiimaha Korontada, iyadoo shir ay isugu yimaaddeen Madaxda shirkaduhu ay ku heshiiyeen in halka Unit (1) ee korontada ah qiimihiisu noqdo $0.84, halka markii hore uu ka ahaa $0.5.
Sidoo kale, qiimaha Korontada magaalada Berbera ayaa sare u kacay, iyadoo halka (1) Unit laga dhigay $0.49, halka markii hore uu ka ahaa $0.39.
Xukuumadda Somaliland ayaan iyadu ilaa hadda war Rasmi ah kasoo saarin qiimaha ay sare u qaadeen shirkaddaha korontadu.
Shacabka Somaliland ayaa iyagu la daalaa dhacaya qiimaha maciishadda iyo shidaalka oo cirka isku shareeray.