Samuel Eto’o oo loo doortay madaxweynaha kubbada cagta Cameroon
- Xidigii hore ee Samuel Eto’o ayaa maamuli doona kubbada cagta Cameroon afarta sano ee soo socota kadib markii sabtidii loo doortay madaxa xidhiidhka FA-ga ee dalkaasi.
Eto oo afar sano ku guuleystay laacibka Afrika ayaa ka guuleystay Seidou Mbombo Njoya oo ay xafiiltamayeen kaa oo horay u soo ahaa guddoomiye ku xigeenka afaraad ee xidhiidhka kubadda cagta Afrika.
Waxa ay ahayd in 7 musharax ay ku tartamaan doorashada, balse shan ka mid ah ayaa ka baxay subaxii ay doorashada dhacaysay.
Eto’o, oo 40 jir ah, ayaa ballan qaaday in uu dib u habeyn ballaaran ku sameyn doono ciyaaraha si loo horumariyo.
“Waxaan la hadlay ganacsatada, waxaana hubnaa inaan heli doono maal-gashadayaal sax ah oo nala qaadan kara arrintan si aan u fulino yoolkeenna,” Eto’o ayaa sidaasi yidhi ka hor doorashada.
Weeraryahanka ayaa dhaliyay 108 gool u dhaliyay kooxda ka dhisan Nou Camp ka dib 144 kulan oo uu u saftay ka hor inta uusan ku biirin Inter Milan 2009-kii, halkaas oo uu kooxda kula guuleystay koobkiisii seddexaad ee Champions League iyo sidoo kale horyaal Serie A iyo Fifa Club World Cup 2010.
Dhanka qarankiisa , Eto’o waxa uu ka caawiyay in ay ku guulaystaan laba koob oo isku xigta oo Afrika ah sannadihii 2000 iyo 2002 waxa uuna noqday gool dhaliyaha ugu sarreeya isagoo dhaliyay 18 gool. Sanadkii 2000, wuxuu Cameroon ku hogaamiyay bilada dahabka ee Olombikada, isagoo dhaliyay ciyaartii finalka.
