Faransiiska oo la daalaa-dhacaya mowjado muhaajiriin ah.
Booliiska dalka Faransiiska ayaa burburiyey xeryo macmal ah oo ka sameysaneyd teendhooyin oo ay sameysteen dad muhaajiriin, taas oo ku taalay meel u dhow magaalo xeebeedka Dunkirk oo ku taala Waqooyiga Faransiiska.
Muhaajiriintan oo ka soo jeeda dalalka Barriga Dhexe ayaa warbaahinta u sheegay in ay kasoo qaxeen dagaalo sokeeye, saboolnimo iyo tacadiyo iyo in ay rajeynayaan in ay Faransiiska ugasii gudbaan Britain.