Soomaaliya Iyo Somaliland Oo Martigaliyay Qaxootiga Faraha Badan
Hay’adda Qaramada Midoobey u qaabilsan Qaxootiga ayaa sheegtay in Soomaaliya iyo Somaliland ay ka mid ahaayeen dalalka Afrika ee dhawrkii sanadood ee lasoo dhaafay martigaliyay Qaxootiga faraha badan.
War kasoo baxay hay’adda ayaa lagu sheegay in Qaxootigaasi ay kala socdeen Afrika iyo Aasiya ayna dalalka ay ka yimaadeen ka jireen dhibaatooyin dhanka Amniga.
In ka badan 24,000 qof oo ajnabi ah ayaa sanadkii 2020 Soomaaliya iyo Somaliland nabad galyo u raadsaday sida ay sheegtay heyada UNHCR .
Dadkaas waxay badankood ka yimaadeen wadamada Ethiopia, Syria Iyo Yemen sida lagu sheegay warbixinta kasoo baxday hey’adaan.
Gobalada waqooyi galbeed, Bari iyo gobalka Banaadir ayaa ah meelaha ugu badan oo ay qaxootiga joogaan
Warbixinta ayaa sidoo kale lagu sheegay in lixdii sano ee la soo dhaafay ay dib ugu laabteen Soomaaliya iyo Somaliland in ku dhow boqol kun oo qaxooti ah kuwaasi oo hore ugaga cararay dagaalada sokeeye .
