Madaxweynaha JSL oo Xil ka qaadis, isku bedel iyo Magacaabis ku sameeyay Qaar ka mid ah Golaha Xukuumadda

Madaxweynaha Jamhuuriyadda Somaliland Mudane Muuse Biixi Cabdi ayaa Wareegto uu soo saaray Xil ka qaadis, isku bedel iyo Magacaabis ku sameeyay Qaar ka mid ah Golaha Xukuumadda Sidoo kale waxa uu Madaxweynuhu magacaabay Madaxda Mac’hadka Tababarka Shaqaalaha dawladda, Mac’hadka Cilmi-baadhista Beeraha, Guddida Tacliinta Sare ee Qaranka, Guddida Hay’adda Caymiska Qaranka, Guddida Hay’adda Shaqaalaha Dawladda.

Wareegtadan oo Nuqul ka mid ahi soo Gaadhay Wakaaladda wararka Jamhuuriyadda Somaliland ee Solna ayaa u dhignayd Sidan:-

Madaxweynaha Jamhuuriyadda Somaliland, Mudane Muuse Biixi Cabdi waxa uu wareegtooyin Madaxweyne uu Xilka qaadis, bedel iyo Magacaabid ku sameeyey qaar ka mida masuuliyiinta xukuumaddiisa.

Madaxweynaha Jamhuuriyadda Somaliland waxa uu Xilalkii ay hayeen ka qaaday

Wasiirkii Hore ee Wasiirka Wasaaradda Shaqo-galinta, Arrimaha Bulshada iyo Qoyska Hinda Jaamac Xirsi Maxamed.

Agaasimihii Guud ee hore ee Wasaaradda Arrimaha Gudaha, Cabdi Nuur Axmed (Cabdi Guray), Agaasimihii Guud ee hore ee Wasaaradda Xannaanada Xoolaha iyo Horumarinta Kalluumaysiga Cali Xuseen Nuur Beegsi, Agaasimihii Guud ee Hore ee Wasaaradda Hawlaha Guud, Dhulka iyo Guriyeynta Cilmi Cabdiraxmaan Cashuur, Agaasimihii Guud ee Hore ee Wasaaradda Isgaadhsiinta iyo Tignoolajiyadda Cali Cabdillaahi Daahir Xirsi , Agaasimihii Guud ee hore ee Komishanka Doorashooyinka Qaranka Cabdiraxmaan Siciid Yuusuf , Guddoomiyihii hore ee Guddida Tacliinta Sare

Xuseen Xaaji Xasan Guuleed, Guddoomiye Ku-xigeenkii Hore ee Hay’adda Shaqaalaha Dawladda Cabdikariim Maxamed Xaaji Cali, Guddoomiye Ku-xigeenkii hore ee Guddida Tacliinta Sare Maxamed Xasan Sheekh Muumin.

Wuxuu Madaxweynuhu wareegtadiisa ku yidhi Marwo iyo Mudanayaal, Sida aad la socotaan, xilka Qaranka ayey dabcigiisa tahay in uu meerto noqdo, oo hadba loo igmado ciddii hanan karta. Sidaa darteed, waxaan gartay in laga bilaabo taariikhda maanta aan idinka qaado xilalkii aad hore u hayseen.

Waxaan idiinka mahad-celinayaa muddadii aad hayseen xilalkaas Qaran.

+++++++++++++++++++++++++++

Geesta kale Magacaabay Xubno ka mid ah Golaha Xukuumadda Waxaanu Madaxweynuhu yidhi

Markaan Arkay: Dastuurka Jamhuuriyadda Somaliland, Qodobka 90aad;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi Ballaadhan;

Waxaan Go’aamiyey;

In laga bilaabo taariikhda maanta aan masuuliyiintan u magacaabo xilalkan:

1. Saleebaan Warsame Guuleed Wasiirka Wasaaradda Caddaaladda

2. Mustafe Godane Cali Bile Wasiirka Wasaaradda Shaqo-galinta, Arrimaha Bulshada iyo Qoyska

3. Siciid Axmed Jibriil Agaasimaha Guud ee Wasaaradda Arrimaha Gudaha

4. Axmed Cali Maax Warsame Agaasimaha Guud ee Wasaaradda Xannaanada Xoolaha iyo Horumarinta Kalluumaysiga

5. Jamaal Cabdi Muuse Diiriye Agaasimaha Guud ee Wasaaradda Hawlaha Guud, Dhulka iyo Guriyeynta

6. Rooble Cabdi Muuse Maxamed Agaasimaha Guud ee Wasaaradda Horumarinta Beeraha

7. Deeqa Cabdi Yuusuf Dhidar Agaasimaha Guud ee Wasaaradda Xidhiidhka Golayaasha iyo Arrimaha Dastuurka

8. Farxiya Maxamed Cabdiraxmaan Daahir Agaasimaha Guud ee Wasaaradda Horumarinta Maal-geshiga

9. Maxamed Yuusuf Ismaaciil Agaasimaha Guud ee Wasaaradda Warfaafinta, Wacyi-gelinta iyo Dhaqanka

10. Mukhtar Maxamed Cali Agaasimaha Guud ee Wasaaradda Tamarta iyo Macdanta

11. Aamina Xuseen Maxamuud Jaamac Agaasimaha Guud ee Isgaadhsiinta iyo Tiknoolajiyadda

12. Jamaal Maxamed Jaamac Cashuur Agaasimaha Guud ee Guddida Doorashooyinka Qaranka

Geesta Kale Madaxweynaha Jamhuuriyadda Somaliland Mudane Muuse Biixi Cabdi ayaa Magacaabay Agaasimaha Fulinta ee Mac’hadka Tababarka Shaqaalaha Waxaanu Madaxweynuhu wareegtadan ku yidhi :-

Markaan Arkay: Dastuurka Jamhuuriyadda Somaliland, Qodobkiisa 90aad;

Markaan Arkay: Baahidda Loo Qabo Magacaabista Jagada Agaasimaha Fulinta ee Mac’hadka Shaqaalaha Dawladda;

Markaan Arkay: Aqoontiisa, Kartidiisa iyo Waaya-aragnimadiisa;

Markaan ku Qancay: In uu Hanan Karo Masuuliyadda ka Dhalanaysa Xilkan;

Markaan Sameeyey: La-tashi;

Waxaan Go’aamiyey;

In Cumar Iid Qaloonbi Samatar laga bilaabo taariikhda maanta uu ahaado Agaasimaha Fulinta ee Mac’hadka Tababarka Shaqaalaha Dawladda Jamhuuriyadda Somaliland.

Sidoo kale Waxa uu Madaxweynuhu Magacaabay Mac’hadka Cilmi-baadhista Beeraha waxaanu wareegtadan ku yidhi

Markaan Arkay: Qodobka 90aad iyo Qodobka 113aad ee Dastuurka Jamhuuriyadda Somaliland;

Markaad Arkay: Baahida Loo Qabo Dhismaha Guddida iyo Agaasinka Mac’hadka Cilm-baadhista Beeraha iyo Kaalinta ay ka Qaadan Karaan Kobcinta Aqoonta iyo Awoodda Wax Beerista ee Dalka;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi Ballaadhan;

Waxaan Go’aamiyey;

In laga bilaabo taariikhda maanta aan Mac’hadka Cilmi-baadhista Beeraha u magacaabo masuuliyiinta hoos ku xusan:

1. Wasiirka Wsaaradda Horumarinta Beeraha Guddoomiyaha Guddida Sare ee Mac’hadka

2. Madaxa Waaxda Beeraha ee Jaamacadda Hargeysa Xubin Guddida Sare ee Mac’hadka ah

3. Madaxa Waaxda Beeraha ee Jaamacadda Camuud Xubin Guddida Sare ee Mac’hadka ah

4. Madaxa Waaxda Beeraha ee Jaamacadda Burco Xubin Guddida Sare ee Mac’hadka ah

5. Madaxa Waaxda Cilmi-baadhista ee Wasaaradda Horumarinta Beeraha Xubin Guddida Sare ee Mac’hadka ah

6. Dr. Aadan Cilmi Yuusuf Agaasime Fulinta ee Mac’hadka

Dhanka kale Mudane Muuse Biixi Cabdi Madaxweynaha Jamhuuriyadda Somaliland ayaa Magacaabay Guddida Tacliinta Sare ee Qaranka Waxaanu wareegtadan ku yidhi:-

MarkaanArkay: Qodobka 15aad, 90aad iyo 113aad ee Dastuurka Jamhuuriyadda Somaliland;

Markaad Arkay: Muhiimadda ay Leedahay in Qaranku Yeesho Guddi Tacliineed oo Qaabilsan Tayaynta Tacliinta Sare ee Dalka;

Markaan Arkay: Baahidda Loo Qabo Dhismaha Guddida Tacliinta Sare;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi;

Waxaan Go’aamiyey;

In laga bilaabo taariikhda maanta aan Guddida Tacliinta Sare ee Qaranka u magacaabo masuuliyiinta hoos ku xusan:

1. Saleebaan Dirir Cabdi Guddoomiye

2. Cabdi Ismaaciil Yoonis (Cabdi Duse) Guddoomiye Ku-xigeen

3. Axmed Muuse Muruud Muxumed Agaasimaha Guud ee Guddida Tacliinta Sare

4. Dr. Maxamed Cabdillaahi Dagaal Xubin

5. Prof. Maxamed Faarax Xareed Qodax Xubin

6. Yuusuf Maxamed Cabdi Xubin

7. Xamda Cabdi Faarax Xubin

Geesta Kale Madaxweynaha JSL waxa uu Magacaabay Guddida Hay’adda Caymiska Qaranka Waxaanu wareegtadan ku yidhi

Markaan Arkay: Dastuurka Jamhuuriyadda Somaliland, Qodobkiisa 90aad;

Markaan Arkay: Baahidda Qaranku u Qabo Dhismaha Guddida Hay’adda Caymiska Qaranka;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi;

Waxaan Go’aamiyey;

In laga bilaabo taariikhda maanta aan Guddida Hay’adda Caymiska Qaranka u magacaabo masuuliyiinta hoos ku xusan:

1. Saleebaan Cawad Cali Bukhaari Guddoomiye

2. Sahra Aadan Yuusuf Xirsi Guddoomiye Ku-xigeen

3. Cabdiraxmaan Muuse Cabdi Cali Agaasime Guud

Gabo gabadii Wareegtadan waxa uu Madaxweyne Muuse Biixi Cabdi ku Magacaabay Guddida Hay’adda Shaqaalaha Dawladda waxaanu yidhi:-

Markaan Arkay: Dastuurka Jamhuuriyadda Somaliland, Qodobkiisa 90aad;

Markaan Arkay: Muhiimadda ay Qaranka u Leeyihiin Xubnaha Guddida Hay’adda Shaqaalaha Dawladda;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi Ballaadhan;

Waxaan Go’aamiyey;

In laga bilaabo taariikhda maanta aan Xubnaha Guddida Hay’adda Shaqaalaha Dawladda u magacaabo masuuliyiinta hoos ku xusan:

1. Faysal Sahal Jaamac Siciid Guddoomiye Ku-xigeen

2. Cumar Sheekh Cabdillaahi Ciise Xubin

3. Cabdifataax Maxamed Axmed (Dayib Guray) Xubin

4. Siciid Jaamac Raabbi Xubin

5. Maxamed Axmed Xasan Jabarti Xubin

Madaxweynaha JSL Mudane Muuse Biixi Cabdi wuxuu u mahad-celiyay masuuliyiintii hore ee xilalka Hay’adda Shaqaalaha hore u hayey.

ALLAA MAHAD LEH

Madaxweynaha Jamhuuriyadda Somaliland

home
Back to top button

Adblock Detected

Please consider supporting us by disabling your ad blocker