Maxaa Ka Jira In Abiy Ahmed Uu Xabsi Guri Geliyey Wasiirkiisii Difaaca Dalkaas
Xaalda siyaasadeed ee dalka itoobiya yaaa laga dayrinayaa warar ay RH ka heshay Caasimada Itoobiya ee Adisbaba ayaa sheegaya in Wasiirka Gaashaandhigga Itoobiya Mr Lemma Megerssa, oo mar ay xulufo dhow ahaayeen ra’iisul wasaare Abiy Ahmed la geliyey xabsi guri.
Wargeyska Addis Standard iyo sidoo kale, Ethiopia Insider ayaa labaduba xaqiijiyey warkan oo baraha bulshada aad u haystay tan iyo shalay.
Xogta Addis Standard ayaa sheegeysa in taliyaha ciidamada difaaca Itoobiya Jeneral Adem Mohammed uu habeenkii Talaadada u sheegay Lemma inuu ku negaado gurigiisa oo ku yaalla waddada Bole ee magaalada Addis-Ababa illaa “amar dambe laga soo saarayo.”
Sidoo kale, qaar ka mid ah shaqaalaha wasaaradda difaaca, oo ay ku jiraan xoghayihiisa ayaa loo diiday inay galaan xafiiska wasiirka, waxaana goor dambe baaritaan ku sameeyey ciidamada booliska federaalka.
Lemma oo Oromo ah ayaa waxaa wasiirka difaaca loo magacaabay 18-kii April 2019.
Xidhiidhka Lemma iyo Dr.Abiy Ahmed ayaa xumaaday kadib markii uu si furan u cambaareeyey ra’iisul wasaare Abiy Ahmed, isaga oo kasoo horjeestay qorshihii lagu burburiyey isbahaysiga EPRDF, kaasi oo lagu bedelay xisbiga PP.
Xiisadda labada mas’uul ayaa kasii dartay kadib markii la dilay heesaagii Oromada ahaa ee Haccaaluu Hundessa, taasi oo hogaamisay in la xiro shaqsiyaad caan ah oo Oromo ah, kuwaas oo loo xidhay sababo la xiriira dibad-baxyadii looga soo horjeeday dilka.
Ilo-wareedyo dhowr ah ayaa Addis Standard u xaqiijiyey in Abiy Ahmed uu ku eedeeyey Lemma inuu xidhiidh la leeyahay Jawar Mohammed, oo ka mid ah ragga u ololeeya Oromada, aadna ay isku hayaan Abiy Jawhar ayaa isaga laftiisu xabsiga liinta ku cabaya wakhtigan xaadirka ah,
Isku soo wada duub oo itoobiya ayaa ku jirta xaalad siyaasadeed oo cakiran oo ay wax waliba suurto gal yihiin.
