Dawladda Kenya oo dambi ku heshay Rag ku Eeedaysnaa Xasuuqii Jaamacadda Gaarisa
Nairobi (OWN
)-Maxkamad ku taala magaalada Nairobi ee dalka Kenya ayaa waxaa shalay kasoo muuqday afar Ruux oo loo heystay inay qeyb ka ahaayeen weerar Al Shabaab ee Labadii April ee sanadkii 2015 ka geysteen Jaamacadda Gaarisa.
Ee Gobolka Waqooyi Bari ee Dalkaasi
Francis Andayi oo ah garsooraha maxkamadda magaalada Nairobi ee dalka Kenya ayaa shaaciyay in seddex kamid ah eedeysanayaasha lagu helay dambiga Loo heystay oo ahaa inay qeyb ka ahaayeen weerarkii ka dhacay jaamacadda magaalada Gaarisa.
Maxkamadda ayaa siideysay Sahal Diiriye Xuseen oo lagu waayay dambiga,waxa lagu helayna ahayd in uu la joogay mid ka mid ah Ragga weerarkaas loo heysto, sidaasna lagu soo Xidhay.
Dhamaan Afartii Nin ee fulisay Weerarkii Gaarisa ayey dowladda Kenya sheegtay in ay isla Jaamacadda ku dhinteen , halkaas oo ay ku ku laayeen 148 qof oo Ardey u badan.
Garsooraha Maxkamadda Nairobi, Francis Andayi waxa uu amray in saddexda Eedeysane lagu sii hayo Xabsiga, inta laga gaadhayo bisha soo socota ee July 3-da, xilligaasi oo lagu dhawaaqi doono Xukunkooda.
Al Shabaab ayaa ardaydii ugu badneyd ku dilay jaamacadda magaalada Gaarisa ee dalka Kenya sanadkii 2015, waxaana la sheegayaa inay ahaayeen ardaydii ugu badneyd ee lagu dilay dalka Kenya.
