Imaaraadka Carabta iyo QM oo ka wada hadlay arrimaha Somaliya
Maxamed Axmed Cismaan Al Hammadi oo ah Danjiraha Imaaraadka Carabta u fadhiya Soomaaliya ayaa kala hadlay Wakiilka Gaarka ah ee Xoghayaha Guud ee Qaramada Midoobay u qaabilsan Soomaaliya, Nicholas Haysom, sidii loo xoojin lahaa iskaashiga u dhexeeya UAE iyo Xafiiska QM ee Soomaaliya.
Intii lagu guda jiray kulanka oo lagu qabtay xarunta safaarada ee Muqdisho waxay dib u eegeen horumarkii ugu dambeeyay ee Soomaaliya iyo dadaalka ay wadaan Imaaraadka Carabtaย iyo Qaramada Midoobay si ay u taageeraan dalka.
Al Hammadi Waxaa uu sheegay inย taageerada UAE ee ku aadanย kor u qaadista amniga, xasilloonida iyo horumarka Soomaaliya sare loo qaadi doono Bilaha soo socda.
Ergeyga Gaarka ah ee Xoghayaha Guud ee QM ayaa ku booriyay dadaallada joogtada ah ee Imaaraadka in ay taageeraan hawlaha baniโaadamnimada, gargaarka iyo horumarinta ee Soomaaliya.
Kulankaan ayaa kusoo beegmaya xilli uu jiro Mugdi Siyaasadeed oo wali ka dhex taagan dalalka Soomaaliya iyo Imaaraadka Carabta, kaas oo ka dhashay in dowladda Imaaraadka ay taageyrayso Xubno Mucaarad ku ah dowladda Soomaaliya.
Maxamed Axmed Cismaan Al Hammadi
Danjiraha Imaaraadka Carabta u fadhiya Soomaaliya