Gaadhi Laga Qafaashey Ceerigaabo Oo U Gacangalay Jabhadda Col-Caarre
Qardho(OWN) Baabuurkan oo noociisu yahay Ambulance islamarkaasna habeennimadii Jimcuhu soo gelayey dhallinyaro hubaysani kalasoo goosteen gudaha magaalada Ceerigaabo ayaa subaxnimadii hore ee saaka oo Jimca ah wuxu soo gaarey Saldhigga Jabhadda uu xukumo Col-Caare ee duleedka magaalada Qardho.
Baabuurkan ayaa sida lasheegay waxa lasoo goostay saddex dhallinyaro ah iyadoo wararku sheegayaan inay kasoo qafaasheen guri uu ku xeraysnaa baabuurkaasi.
Dhinaca kalena waa baabuurkii labaad ee muddo toban casho gudeheed ah dhallinyaro sidan oo kale ugasoo qafaasheen gudaha Ceerigaabo oo usoo gacangala jabhaddaasi.
Oodweynenews.com/Qardho
