Safiirka Somaliland u fadhiya Jabuuti oo Si Meeqaam Sare ak kusoo dhoweeyay Cawil Cali Ducaale iyo Waran-cadde
Safiirka Somaliland u fadhiya Jabuuti Ambassador Cabdifatax Siciid Axmed iyo Meeqaam Sare oo Diblumaasiyadeed Jabuuti kusoo dhoweeyey Siyaasiyiinta Miisanka leh Cawil Cali Ducaale iyo Waran-cadde….
Jabuuti(OWN)-Safiirka Somaliland u fadhiya Jabuuti Ambassador Cabdifatax Siciid Axmed, ayaa Xalay Jamhuuriyada Jabuuti kusoo dhoweeyey Labada Siyaasi ee Cawil Cali Ducaale iyo Cali Maxamed Waran-cadde, kusoo safar shaqo ku tagay dalka Jabuuti.
labada Siyaasi oo hadda xilal Lataliye u ah Madaxweynaha Jamhuuriyada Somaliland Md Muuse Biixi, ayaa u safiirku ku qaabilay dalka Jamhuuriyada Jabuuti, waxanu Safiirku ku qaabilay meeqaam Diblumaasiyadeed oo sareeya.
la Taliyaasha Madaxweynaha Jamhuuriyada Somaliland Ambassador Cawil iyo Waran-cadde, ayaa si weyn Safiirka ugu mahadceliyey Wada-shaqaynta wanaagsan ee Somaliland iyo Jabuuti.
Sidoo kale, waxay Safiirka ku boggaadiyeen, dhismaha bilicda sare leh ee Somaliland ee Jabuuti iyo xafiisyada qalabaysan we Xarunta safaaradda Somaliland ee Jabuuti.
