Maanso : Farbaa Godan
Maanso . farbaa godan
7 / 7 / 2020
Keene iyo kordhiye
Keene.waaryaa kordhiye saaxiib waxa aad ka warrantaa
Heshiiskan is dhexgalka wax laleeyay hordhacii israaca weeye
Bal ka waran.
Kordhiye. Saaxiib arinkaa waxbaa ka jira waa heshiis qarsoodi ahaa
Dabeed loogu tala galay marka la kala tago in shacabka S/Laan
Si farsamaysan loo dhexgeeyo waxaana ka shaqeeyay
ISMAACIILKA jabuuti oo oday muuse la xidida
Kharashkii doorashadana jabuuti laga maal geliyay immikana
Loogu balanqaaday inuu weligiiba ahaado m/weynaha maamul
Goboleed heegadii-saasina hantida la wreegto ciidamadana
Faamligiisu u hayo cid kalena aanay madax sare ka noqonin
Waa riwaayada loo soo akhriyay laakiin qaar ina yaqaana maaha.
Immikana waa afreydii.
Maansad . farbaa godan
Farbaa godan falaadhbaa qarsoon
Foolxumaa dhaqantay
Fajac iyo layaab baa ka yimi
Foran galbeed kaasa
Waa fariimo kala jaada iyo
Nacaska feedhkiiye
Faqashbaa ka talisiyo ragaan
Wada fayoobayne
Ufasaxe xadkeenooy furtaan
Faash lihii hora,e
Furfurkiina qaar baahiyaa
Soo faruur xidhane
.
Dhexgalkaa laguu faafiyiyo
Belo kaloo fuursan
Waa farsamo in boobkii labaad
Foolad uu yahaye
Fadhigaa kakaca shacab yahaw
Waa la faasaxaye
Fadhigaa ka kaca shacab yahaw
Feenad yaad noqone
Fadhigaa ka kaca yaan sidii
Haadu kuu fagane
.
Fadhigaa ka kaca yey baahanbaa
Soo faruur xidhane
Fadhigaa ka kaca yaad ku dhicin
Qaw laguu furaye
Fadhigaa ka kaca waa runtood
Fahan israaceede
Fadhigaa ka kaca waa bilaw
Faaladaa timiye
.
Fadka iyo daruur hooranbay
Kaa firdhina yaane
Fadhigaa ka kaca yaad markale
Qaxa ufeydnaane
Fadhigaa ka kaca manta waa
Faani karaysaane
Fadhigaa ka kaca yaad ahaan
Xoola foorara,e
Fashil weeye xeebtaa galbeed
Foox ay shidayaane
Fadhigaa ka kaca oomar qudha
May usoo feyta
Farsamadan rag kula doonayana
Muuja ficil jooja
( ALLAA MAHADLE )
Guuleed liibaan snm1710@livecom.uk